Fyrir nokkru síðan keypti konan mín fullt af hveitikími á tilboði. Það er tilvalið að nýta þetta í brauð eða klatta, hér er uppskriftin:
5 bollar hveitikím
2 tsk lyftiduft
salt/krydd að vild, einnig má bæta krömdum hvítlauk útí
2 egg
3 msk olía
–
Þurrefnum blandað vel saman. Restin sett útí og svo vatn eftir þörfum þar til þetta er orðið að þykkum graut. Svo er hægt að gera annað af tvennu:
1) Móta litla klatta og steikja á pönnu úr kókosolíu
2) Smyrja deiginu á smjörpappír í flata ofnskúffu og baka í ofni við 200°C í ca.20 min. eða þar til brauðið er farið að taka lit og er vel bakað í gegn (prófa að skera í það).
Mér finnst mun þægilegra að nota bakstursaðferð #2 - þá þarf enga auka feiti og það þarf ekki að standa yfir pönnunni. Brauðið er hægt að skera í mátulega ferninga með pissahníf :-) Verði þér að góðu!
Þetta kom skemmtilega á óvart og er meinhollt!
Comment ritaði Ágúst — Laugardagur 2.júlí 2011 @ 3:32
Búin að prófa þessa, hún er algjör snilld, takk
Comment ritaði Alda — Miðvikudagur 6.júlí 2011 @ 9:25